Gazetari Sokol Balla është surprizuar këtë pasdite nga makina me të cilën lëviz kandidati për kryetar i PD-së, Agron Shehaj.
Në një shënim në rrjete sociale, ai thotë se Shehaj mbërriti në mjediset e medias ku ai punon me një makinë Tesla, jo me Benz apo Range Rover. Mesa duket Balla thumbon Bashën me këtë shënim, duke e cilësuar Agron Shehajn si një person të thjeshtë, por edhe modern në të njejtën kohë, jo “old fashion” duke përdorur “makina të fortësh” si Benz apo Range Rover, por diçka moderne.
“Sapo takova kandidatin për kryetar të PD Agron Shehaj në ambientet e News24. Erdhi për një intervistë tek lajmet. Nuk mbërriti as me Range Rover, as me Mercedes, as nuk rrotulloi gomat e ndonjë Porsche. Zbriti nga një Tesla”, shkruan Balla në Facebook.
Tesla e miliarderit Elon Musk ka shumë veçanti, si makinë elektrike, një makinë që nuk ndot ambientin, me teknologji të zhvilluar dhe konsiderohet si makina që arrin 100 km/h më shpejt se çdo makinë tjetër.