Kryekomisioneri Shtetëror i Zgjedhjeve, Ilirjan Celibashi ka deklaruar sot se janë dorëzuar 10 kërkesa për informacion nga SPAK dhe prokuroritë e rretheve Tiranë, Gjirokastër, Pukë, Vlorë dhe Elbasan. Në një postim në rrjetet sociale, Celibashi thotë se ka nisur hetimi për falsifikim të rezultatit të zgjedhjeve, votim për më shumë se 1 herë apo kanosje të zgjedhësve.
POSTIMI I PLOTË I CELIBASHIT:
Për zgjedhjet e #25prill2021 në KQZ janë depozituar 10 kërkesa për informacion & 2 vendime për sekuestrime të materialeve zgjedhore nga SPAK & Prokuroria Tiranë, Gjirokastër, Pukë, Vlorë & Elbasan. Pamje filmike të procesit të numërimit janë kërkuar & nga Policia e Tiranës.
Për zgjedhjet #25prill2021 kanë nisur hetimet për: Falsifikim të materialit zgjedhor & rezultateve të zgjedhjeve, pengimi i subjekteve zgjedhore, Votimi më shumë se një herë/pa u identifikuar. Hetime edhe për: Shkeljen e fshehtësisë së votimit, Korrupsionin aktiv në zgjedhje, kanosje/dhunim të pjesëmarrësve në zgjedhje, marrje ose përdorim të paligjshëm i dokumenteve të identifikimit. Pas mbylljes së procesit të shqyrtimit të ankimeve administrative për zgjedhjet #25prill2021, KQZ do të referojë në Prokurori të gjitha rastet e dyshimta të shkeljeve zgjedhore.