Kush e ndjek në instagram e ka kuptuar mirë lidhjen e fortë që Hueyda ka me të birin Gabriel. Postimet e saj në instastory shpesh e zënë “bëmat” apo përditshmëria me kaçurrelsin e saj bukurosh.
Ashtu ishte edhe një postim i disa orëve më parë ku mami Hueyda ka marrë disa superkomplimenta nga mashkulli më i rëndësishëm i jetës së saj, e sigurisht tundimit për t’i ndarë me ne epitetet e ëmbla që i ka vënë i biri 4-vjeçar, nuk ka mundur t’i rezistojë.
I veshur me këmishë e kollare, fiks si një gentelmen, Gabrieli i ka thënë pikërisht këto fjalë mamit të tij, që me siguri ja ka ngritur zemrën peshë:
“Tani që Gabrieli më tha që jam; e zgjuar, e mirë, e fortë dhe wonderwomen, mund të thoni ç’të doni për mua”; shkruan El Saied në foton e zeshkanit të saj.
Ç’ mund të ketë tjetër rëndësi pasi një nënë dëgjon këto fjalë nga i biri, në fund të fundit!
