Ministri gjerman për Europën, Michael Roth pas takimit me kreun e PD-së Lulzim Basha tha mesazhin se Parlamenti është vendi i duhur për të çuar para debatin dhe se për zgjedhjet e 25 prillit e quan të besueshëm raportin e OSBE-ODIHR. Rruga drejt BE nuk varet vetëm nga Shqipëria, tha ai, ndërsa uroj që pozita dhe opozita të gjejnë gjuhën e bashkëpunimit.
“Nëse kjo rrugë do të jetë e vështirë nuk varet vetëm nga qeveria po dhe struktura siç është Parlamenti dhe opozita e këtij vendi. Uroj dhe shpresoj që pas debateve të së shkuarës të gjendet jnë ton konstruktiv dhe një qasje e drejt në marrëdhëniet mes pozitës dhe opozitës. Jam në politikë aktiv prej 23 vitesh tanimë, dhe 8 vitesh në qeveri. Kam qenë dhe në opozitë dhe në qeveri aktiv gjatë veprimtarisë time të dyja këto elemente janë të rëndësishme për një demokraci të gjallë. Parlamenti është vendi i duhur për të çuar para debatin”, tha Roth.
Ai tha se shpreson shumë që në 22 qershor BE të arrijë në vendimin për konferencën e parë ndërqeveritare për Shqipërinë.