Seriali shumë i famshëm dhe i dashur për publikun, “Sex and the City”, po rikthehet sërish në ekran dhe jo si film por si serial, për t’ia bërë qejfin të gjithëve, i cili do të titullohet “And Just like That”dhe pritet të nisë xhirimet së shpejti.
Kastit të aktorëve tashmë të konfirmuar si Sara Jessica Parker në rolin e Carry Bradshoë, Kristin Davis (Charlotte) dhe Cynthia Nixon (Miranda), ndërkohë që aktorja Kim Cattrall ka konfrimuar që nuk do të jetë pjesë e serialit, do t’i shtohet dhe aktorja Sara Ramirez, e cila do të mbulojë në një farë mënyre rolin e Samantës.
Aktorja e njohur nga seriali “Grey’s Anatomy”ku intrepreton rolin e një doktoreshe biseskuale dhe në projektin e ri do të luajë rolin e një kabarestike karizmatike e cila do të jetë e fiksuar pas Carry-it. Seriali fillimisht është planifikuar me 10 episode.
Mirëpo e dini kush do të mungojë? Stilistja dhe kostumografja ikonike e show-t, Patricia Field nuk do jetë pjesë e këtij rikthimi. Lajmi u bë i ditur nga mediat për të cilat, artistja konfirmoi se arsyeja e largimit ka qenë fakti që koha e xhirimeve të serialit përkon me xhirimet e “Emily in Paris”, ku Patricia ka të njëjtin rol.
“Nuk mund të jem edhe në Paris edhe në New York në të njëjtën kohë. Ky është problemi”, u shpreh ajo.
Gjatë verës priten të fillojnë xhirimet dhe produkti final do të dalë në transmetim në fundin e vitit 2021 në filllim të 2022-it. Në qendër do të jenë personazhet e njohura ndërsa vazhdojnë jetën me historitë dhe ngjarjet e tyre, por tashmë si 50 vjeçare. Producenti i serialit Michael Patrick King shprehet entuziast dhe ka pritshmëri shumë të larta për këtë produksion.