Punimet e paligjshme të një biznesi në Vlorë kanë shkaktuar shembjen e një pjese të rrugës që të çon në Radhimë.
Ministrja e Infrastukturës, Belinda Balluku tha se rrëshkitja e rrugës është shkatuar nga ndërtimet ilegale të disa bizneseve poshtë rrugës, që kanë gërmuar shpatin duke tentuar të ndërtojnë një parking.
Autoritetet kanë nisur tashmë riparimin e rrugës, ndërsa personat përgjegjës për dëmin janë kallëzuar në prokurori.
“Kjo është një situatë e pazakontë, për shkak të shirave por edhe për shkak të paligjshmërisë nga pronarët e bizneseve këtu është shkaktuar kjo situatë. Duhen marrë masat e menjëhershme që kjo gjë të mos përsëritet”, tha ministrja Balluku.