Një aksident me pasoja vdekje është regjistruar sot në një minierë në Bulqizë. Mësohet se një masiv gurësh ka zënë poshtë 27-vjeçarin Elti Alla, i cili ka ndërruar jetë në thellësitë e nivelit 18, të minierës së kromit.
Mësohet se Alla dhe minatorë të tjerë kishin nisur turnin e dytë në thellësinë 1800 metra, për të montuar tranversat, mbajtëset e tavanit të galerisë. Gjatë punës ajo është shembur dhe një masiv i madh inertesh, gurë, krom dhe dhera kanë pushtuar trupin e Elti Allës, i cili ka ndërruar jetë në galeri.
Njoftimi i Policisë:
Me datë 28.05.2021, rreth orës 18.30, në një subjekt minerar në Bulqizë, dyshohet se gjatë punës është aksidentuar shtetasi E. A., i cili si pasojë e dëmtimeve të marra ka humbur jetën. Grupi hetimor ndodhet në vendngjarje dhe vijon hetimi për zbardhjen e plotë shkaqeve ngjarjes.