Pas mesnate është tronditur Lushnja nga një shpërthim me lëndë plasëse. Policia bën me dije se rreth orës 02:35, në lagjen “Gafurr Muço”, në katin e parë të një pallati parafabrikatë, ka shpërthyer një sasi e vogël lënde plasëse në afërsi të derës së jashtme të banesës së shtetasit Besnik Çoku. Për pasojë është dëmtuar dera e kësaj banese dhe e banesës përballë saj.
Sipas policisë, sasia e lëndës plasëse ka shpërthyer në afërsi të derës së jashtme të banesës së shtetasit B. Ç. Si pasojë e këtij shpërthimi është dëmtuar dera e kësaj banese dhe e banesës përballë saj. Ndërkohë, policia ka nisur hetimet për zbardhjen e plotë të kësaj ngjarje.
Njoftimi i plotë i policisë:
Sot rreth orës 02:35, në lagjen “Gafurr Muço”, Lushnjë, në katin e parë të një pallati parafabrikatë, ka shpërthyer një sasi e vogël lënde plasëse në afërsi të derës së jashtme të banesës së shtetasit B. Ç.
Si pasojë e shpërthimit është dëmtuar dera e kësaj banese dhe e banesës përballë saj, në pronësi të shtetasit L. B.
Grupi hetimor nën drejtimin e Prokurorisë Lushnjë po vijon punën për zbardhjen e ngjarjes, identifikimin dhe kapjen e autorëve.