Gjykata, institucioni ku pritet të vendoset drejtësi, në Elbasan është kthyer në “pasarelë” sfilatash për TikTok. Kryetarja e gjykatës së qytetit Enkeleda Kapedani bën ‘modelen’ në Tik Tok, duke e kthyer zyrën në një pasarelë modelingu.
Kapedani gjen kohën të argëtohet në TikTok me video nga më të ndryshme duke ekspozuar edhe veshjet e saj. Në një prej videove shihet të sfilojë në korridorin e gjykatës deri në zyrën e saj.
Por mesa duket, Kapedani ka shpalosur një pasion të hershëm të sajin. Jo të gjithë e mbajnë mend, por në vitin 2003, Enkeleda Kapedani ka konkurruar në “Miss Shqipëria 2003”, çmim i fituar asokohe nga Erjona Ibro.
Në artikujt dhe forumet e kohës shkruhet edhe për Kapedanin, e cila ka fituar çmimin “Miss spektakli”.