Një ngjarje e rëndë u shënua pasditen e kësaj të shtunë në qytetin e Vlorës, ku mbeti i plagosur me thikë 40-vjeçari Klodian Toska.
Zënka mes Toskës dhe një personi tjetër të identifikuar me inicialet F.Sh nisi fillimisht në ambientet e një lokali në vendin e quajtur “Kali i Trojës”, dhe më pas u përshkalllëzua në rrugën aty pranë.
Siç shihet edhe nga pamjet e siguruara nga FaxNews, 40-vjeçari është plagosur në shpatull dhe është në pritje të ambulancës me gjakderdhjen që nuk i pushon.
Në video shihet efektivi i policisë i cili mundohet t’i ndalojë gjakderdhjen me duar.
Mes barit shihet dhe mjeti prerës, një thikë bukë tepër e madhe mishi, goditja e të cilës mund të kishte rezultuar fatale nëse do të prekte organet jetësore.
Policia ndodhet në vendngjarje dhe punon për zbardhjen e plotë të rrethanave të ngjarjes si dhe kapjen e autorit të dyshuar.