Kryeministri Rama e nis ditën me një video të shkollës së re “Vaçe Zela”, e cila do të hapet së shpejti në Tiranë. Ai thotë se shkolla po merr fomë dita ditës.
Sipas Ramës, 1500 fëmijë do të mësojnë në këtë shkollë, e cila është ndërtuar e gjitha nga e para, me të gjitha standartet. Me një video që tregon ambientet e shkollës së re, dhe shoqëruar me këngën e të madhes Vaçe Zela “Rrjedh në këngë e ligjërime”, kryeministri shkruan:
“Mirëmëngjes, dhe me shkollën e re “Vaçe Zela” në kryeqytet, një tjetër shembëlltyrë e bindjes se Shqipëria është e ardhmja jonë, e cila po merr formë ditë pas dite, për të pritur 1500 fëmijë, ju uroj një ditë të mbarë.”