Edith Harxhi, e cila garon për postin e kryetares në Partinë Demokratike është pritur sërish me debate nga demokratët. Pas sherri që pati me djalin e Sokol Olladashit, Glaukun, këtë herë, Harxhi është ‘përplasur’ me demokratët e Beratit.
Mësohet se Azbi Selamaj, anëtar i strukturave të PD-së, i ka konsideruar demokratët si të vrarë. Sipas tij, ata kanë të vdekurin në mes të shtëpisë dhe në këtë kohë, PD-ka nevojë që të gjithë anëtarët, t’i ketë ‘luanë dhe luanesha’.
“Në këto kushte që jemi, na kanë vrarë. Kemi të vdekurin në mes të shtëpisë. PD ka nevojë t’i ketë të gjithë luanë dhe luanesha,”– ka thënë Selamaj para Harxhit.