Detaje të reja janë zbuluar në lidhje me ngjarjen e rëndë që ndodhi sot pranë Gjykatës së Tiranës, ku një 52-vjeçar vrau ish-dhëndrin e tij.
Disa prej fqinjëve të 52 vjeçarit Mexhit Picari, deklaruar se gjendja psikologjike e tij ishte rëndë për shkak të konflikteve të vazhdueshme të së bijës me ish-dhëndrin. Ky i fundit, i cili mbeti i vrarë sot është shprehur disa herë se “do e vriste Dhuratën”, vajzën e autorit me të cilën ishte në proces divorci dhe se “do shpëtonte prej saj vetëm kur ta vriste”.
“I kishte thënë Mexhitit do ta bëj copa-copa Dhuratën. Mexhiti ishte shumë keq, në gjendje të rëndë psikologjike prej kohësh”, kanë deklaruar fqinjët.
Ata kanë pohuar se Kudret Saliaj, dhëndri kishte kërkuar dhe urdhër mbrojtje nga gjykata, por nuk i ishte pranuar pasi e kanë cilësuar si të parrezikshëm 52-vjeçarin Mexhit Saliaj. Sipas burimeve, në vendin e ngjarjes, në momentin e vrasjes ka qenë dhe djali i çiftit.