Kryeministri Edi Rama ka udhëtuar sot drejt Hungarisë, për një tjetër vizitë zyrtare pas vizitës së tij dyditore në Turqi.
Kreu i qeverisë do të zhvillojë takime sot në Budapest me zyrtarët e lartë të shtetit, ndërsa ditën e nesërme do të udhëtojë drejt Bullgarisë.
“Me ftesë të kryeministrit Viktor Orbán, për një vizitë pune mbi bashkëpunimin bilateral në ekonomi, shëndetësi, arsim dhe për ecurinë e integrimit europian të Shqipërisë, ku Hungaria është historikisht një mbështetëse e palëkundur”, shkroi kryeministri në Facebook, pasi mbërriti në Budapest.