Kompania e barnave Moderna, e cila është dhe një nga kompanitë që ka prodhuar vaksinë ndaj COVID-19, po me të njëjtën emër, ka kërkuar nga Agjencia Evropiane e Barnave (EMA) miratimin e kësaj vaksine për përdorim të menjëhershëm te fëmijët.
Drejtuesit e lartë të kësaj kompanie, thonë se kanë bërë prova klinike me fëmijë të moshës 12 dhe 15 vjeç dhe se rezultatet sipas tyre janë mbresëlënëse.
Më tej drejtuesit kanë konfirmuar, se kanë depozituar te EMA, analiza të duhura dhe të dhëna të mjaftueshme që përdorimi emergjent i vaksinës së tyre të fëmijët të fillojë menjëherë.
Ne jemi besimplotë që vaksina Moderna COVID-19 është mjaft efektive në parandalimin e COVID-19, si te të rriturit, por edhe te adoleshentët e fëmijët”, tha zëdhënësi i kompanisë në një deklaratë për mediat.
Sakaq, Moderna ka bërë kërkesë për autorizim për përdorim emergjent në SHBA dhe Kanada, shkruajnë mediat e huaja.