Një bari është plagosur rëndë nga një lëndë plasëse artizanale dhe është transportuar me helikopter drejt Spitalit të Traumës në Tiranë.
Informacioni paraprak i policisë së Gjirokastrës bën të ditur se ngjarja ka ndodhur në kullotën e quajtur Hani në Subash, ku V. LL duke ruajtur gjedhët është dëmtuar nga lënda plasëse që dyshohet të jetë artizanale. Nuk dihet ende nëse ishte vetë bariu që e kishte krijuar lëndën plasëse apo ndodhej në vendngjarje. Kjo pritet të zbulohet nga policia.