Kandidati për kreun e PD-së, Fatbardh Kadilli u shpreh mbrëmjen e djeshme në emisionin ‘PolitikOn’ se i ka thënë Bashës se nëse do të humbasë zgjedhjet do ta ketë përballë.
Kadilli tha se Basha është një njeri që e gëzon Ramën me ekzistencën e tij në krye të PD-së, pasi është shfrytëzuar nga kryeministri.
“Unë i kam thënë Bashës, fito dhe je i lirë me ne. I kam thënë se nëse humbet do të më këtë përballë dhe ja ku me ka. Sepse për 8 vite sakrificat e demokratëve janë shkelur me këmbë nga një qëndrim egoist dhe personal, duke parë vetëm dobinë e tij.
Ai i vetmi është që thotë se nuk kemi humbur, kur jemi në opozitë, përveç Bashës që thotë se ka fituar. Basha është në një mjerim shpirtëror, se mjerimin politik na e ka lënë ne. Ai është një njeri që e gëzon Ramën me ekzistencën e tij në krye të PD-së. Rama është i lumtur që sepse e ka mundur sa herë ka dashur dhe e ka shfrytëzuar paaftësinë e tij ulëritëse për të ndalur shkuarin e Ramës drejt pushtetit absolut.”, u shpreh Kadilli.