Prek Karricaj është parukeri nga Kosova, i cili është bërë i famshëm në Zvicër pasi realizon modele flokësh me zjarr.
Në një lidhje me “Skype” në ABC e Mëngjesit, ai ka treguar se këtë metodë ka vite që e praktikon dhe tashmë ka dhe sallonin e tij të bukurisë në Zvicër.
Sipas Prekut, çmimi i një qethje normale, nga kjo me flakë ndryshon pasi kjo e fundit kërkon më shumë kohë.
“Përpara se ta ndez zjarrin unë kam një farë bari që e vë në kokë dhe nuk rrezikohen klientët. Me djemtë më shumë. Klientela ime janë shqiptarë, zvicerianë, italianë.
Nuk funksionon kjo metodë në mjekër. Tani ka kërkesa shumë, ka dallim çmimi se me flakë merr kohë më shumë. Për momentin nuk ja kam treguar askujt, për shkak se e kam sekret se nuk dua ta bëj vetëm unë.
Unë nuk kam dal edhe shumë edhe nëpër media për tu bërë o famshëm se kam shumë punë.
Unë kam pas shumë klienta të famshëm, të cilët nuk i kam postuar se kam dashur t’i pyes më përpara. Kam pas shumë avokatë, artista po nuk i kam postuar”, tha ai./