Një aksident i rëndë ndodhi pasditen e djeshme në lagjen numër 11 në Durrës. Një makinë, e cila po ecte me shpejtësi në disa lagje të zonës, përplasi dy këmbësorë.
Sipas dëshmitarëve, këmbësorja e përplasur është shtetase italiane, rreth 70 vjeç. Në videon e publikuar nga ‘JOQ’ shihet që makina i përplas e më pas drejtuesi i mjetit vijon sërish të ecë duke mos ndaluar për të parë se si është gjendja e të plagosurve.
Gruaja e plagosur mori disa plagë nga përplasja e fortë, duke u dërguar më pas në spital.
Pas përplasjes burri arrin të ngrihet dhe e sheh nga pas teksa largohet. Ai shihet që bën disa hapa para, në drejtim të makinës e cila po largohet.
Drejtuesi apo drejtuesja e mjetit është shpallur në kërkim nga policia.