Gazment Braka, i njohur ndryshe dhe si Gaxhai i është nënshtruar një operacioni në zemër.
Burime bëjnë me dije se i dënuari me burg përjetë për ngjarjet e vitit 1997, do të kryejë dhe një tjetër operacion në zemër, ndërsa situata e tij paraqitet serioze.
E krijuar në mars të vitit 1997, banda e Gaxhait njihej si mbështetëse e Partisë Demokratike. Ajo ishte rivale me bandën e Çoles, drejtuar nga Zani Çaushi. Përplasja midis tyre nisi më 9 maj tëp o atij viti, kur u vra Bernard Duçka, i njohur si Kuqo, anëtar i bandës së Gaxhait.
Ky i fundit në kundërpërgjigje tentoi të merrte autoblindat e policisë për të luftuar me Zanin, po nuk ia arriti. Me përfundimin e trazirave dhe arrestimin e pjesëtarëve të dy bandave, lufta midis tyre mbaroi. Por deri në përfundim, gjakrat e të rinjve ishin të ndezur dhe ata kërkonin me çdo kusht hakmarrjen. Si qendër grupi i ngritur nga Gaxhai e kishte me qendër në Cerkovinë.