Ndërkohë që Kanye West po shijon romancën me modelen ruse Irina Shayk, Kim Kardashian i është dashur të ndalet sërish te marrëdhënia e saj me reperin.
Gjatë një interviste në ribashkimin e “Keeping Up With The Kardashian”, ylli i reality show ka treguar se nuk ka pasur vetëm një arsye specifike për ndarjen e tyre, por ishin disa, për të cilat nuk mund të fliste hapur në TV. “Nuk ishte diçka specifike që ndodhi vetëm nga njëra palë. Ishte një diference e përgjithshme mendimesh për disa gjëra që na çuan drejt një vendimi të tillë. S’dua që askush të mendojë që nuk dhashë më të mirën time në këtë martesë apo që nuk u përpoqa për vazhdimësinë e saj”, është shprehur Kim.
Ndërkohë, 40 vjeçarja ka theksuar se Kanye vazhdon të mbetet “familja e saj”.
“Kemi një raport bashkëprindërimi të shkëlqyer. Unë e respektoj shumë atë dhe çfarë kemi. Do jem përgjithmonë një nga fanset më të mëdha të Kanye. Ai është babai i fëmijëve të mi, është familja ime”, ka rrëfyer Kim.