Delegacioni do të njihet me zbatimin e reformave në prag të vendimit për negociatat që do të jepet në qershor. Delegacioni do të kryesohet nga Tunne Kelam, ndërsa në përbërje të tij do të jenë; Cristian Preda, Knut Fleckenstein, Juan Fernando Lopez Aguilar, Bas Belder, Ilhan Kyuchyuk dhe Tamás Meszerics.
Në prag të vizitës Kelam në një prononcim u shpreh se “2019 është një vit i rëndësishëm që do ta formësojë të ardhmen e Shqipërisë dhe Maqedonisë së Veriut në planin afatgjatë. Ne mirëpresim progresin e arritur tashmë dhe u bëjmë thirrje të gjitha forcave politike të punojnë së bashku për të zbatuar reformat e kërkuara pa vonesë. Nuk ka kohë për të humbur para samitit të qershorit në Bruksel, ku do të merren vendime për gatishmërinë e të dy vendeve për të filluar negociatat e pranimit”.
Duke komentuar mbi djegien e mandateve dhe demonstrimet e fundit të opozitës në Shqipëri, ai shtoi: “Ne dënojmë me forcë të gjitha nxitjet e dhunës dhe i bëjmë thirrje opozitës për t’i dhënë fund bojkotit. Qeveria dhe opozita duhet urgjentisht të rrisin situatën përmes dialogut konstruktiv” përfundoi ai.
Delegacioni i PE përbëhet nga 7 eurodeputetë.
Tunne Kelam (Kryesues)
Cristian Preda
Knut Fleckenstein
Juan Fernando Lopez Aguilar
Bas Belder
Ilhan Kyuchyuk
Tamás Meszerics