Referuar Indeksit të Shëndetit Konsumator, ku Shqipëria renditet me shërbimin shëndetësor më të keq në Europë, ish-deputeti i LSI-së, Përparim Spahiu shpërthen me një status në Facebook. Ai e konsideron shëndetësinë shqiptar si ajo e videove 3D dhe koncesioneve e PPP-ve.
“Shqipëria me indeksin shëndetësor më të keq në Europë. Në krahasim me publikimin e vitit të mëparshëm, Shqipëria është përkeqësuar me tre vende, duke zbritur e fundit. Në indeksin e 2017-s, më keq sesa ne ishin Rumania, Mali i Zi dhe Bullgaria, por tashmë stafetën e ka marrë vendi ynë. Kjo është shëndetësia e videove 3D, shëndetësia falas, shëndetësia e konçensioneve dhe PPP. Me sukses, edhe në këtë sektor, Rilindja ja ka arritur të renditet e fundit”, shkruan Spahiu.