Policia italiane ka arrestuar një 54-vjeçar shqiptar, i cili në gjendje të dehur ka dhunuar një banakier, duke e goditur atë me shpulla.
Sipas mediave italiane, ngjarja ka ndodhur të premten në një lokal në Padova, ndërsa shqiptari është identifikuar si Shpëtim Bogdani.
54-vjeçari ishte në lokal, kur papritur filloi të godasë banakierin me origjinë kineze.
Klientët që ishin të pranishëm në lokal njoftuan menjëherë policinë. Në tentativë për tu larguar, shqiptari hodhi disa vazo në tokë, theu gota e shishe dhe më pas u largua.
Policia u vu në ndjekje të burrit shqiptar, i cili u arrestua dhe iu dorëzua autoriteteve të drejtësisë italiane.
Ndërsa banakieri u dërgua në spital për ndihmë mjekësore.