Kryebashkiakët që kanë tre mandate pritet të mos kandidojnë sërish në qytetet që drejtojnë dhe janë disa të tillë, si ai i Durrësit Vangjush Dako, ai i Elbasanit Qazim Sejdini, i Maliqit etj.
Për Sejdinin e Elbasanit dihet që nuk do të kandidojë më, përderisa PS ka një tjetër kandidat. Por për zgjedhjet e 30 qershorit të 2019, PS nuk do të rikandidojë as Vangjush Dakon.
Sipas Report tv, PS do të kërkojë në KQZ të mos pranohen kandidatura të asnjë kryebashkiaku që ka tre mandate. Të njëjtat burime thanë se kërkesa pritet të parashtrohet sot në mbledhjen e KQZ-së, në orën 13:00.
Kështu, Partia Socialiste, i mbyll rrugën për rikandidim, kryebashkiakut të Durrësit, Vangjush Dako, Qazim Sejdinit të Elbasanit, por edhe Xhelal Mziut të propozuar nga PD, që drejton bashkinë e Kamzës