Algjeriani Hamza Marina po terrorizon qytetarët e Tiranës me grabitjet që kryen. Një video e publikuar në ‘Tik Tok’ tregon se si ai po bisedon me një të moshuar, të cilit i ka marrë telefonin.
I moshuari i lutet që ai t’i kthejë telefonin mirëpo algjeriani nuk i bindet dhe vetëm bën lojëra fjalësh.
I moshuari: ‘E du dy minuta sa të fol me njerëzit e shpis, dy minuta e ta bi unë.
‘El allah’- dëgjohet të thotë algjeriani.
I moshuari: Po ma jep telefonin. A do ma japësh telefonin?
KUSH ËSHTË HAMZA MARINA?
Algjeriani Hamza Marina është kthyer në makthin e qytetarëve në kryeqytet, pasi lëviz në Tiranë i armatosur. Ai konsumon lëndë narkotike dhe çdo ditë poston foto e video të personave që takon apo që grabit në kryeqytet. I riu algjerian vjedh në banesa të ndryshme në kryeqytet, madje dhe filmon grabitjet që kryen.