Shtatë zyrtarë të Partisë Demokratike në Librazhd dhe Prrenjas janë marrë të pandehur nga Prokuroria e Elbasanit, për incidentin e ndodhur dy vite më parë në këtë qark. Drejtuesit lokalë të PD organizuan një protestë dhe i bllokuan rrugën eskortës së Ramës.
Partia Demokratike nuk i njohu dhe as nuk mori pjesë në zgjedhjet e viti 2019, duke mos drejtuar asnjë bashki të vendit. Në disa qytete të vendit u regjistruan dhe incidente, si ai në Librazhd.
Organi i akuzës ka mbyllur hetimet për këtë ngjarje dhe ka marrë të pandehur 7 persona:
1- Bujar Vreto, kryetar i PD Librazhd;
2- Aurel Bylykbashi, ish-deputet i PD në Elbasan;
3- Arjan Karriqi, kryetar i PD Prrenjas;
4- Leonard Ozuni, sekretar i PD;
5-Erlind Gurra, sekretar i PD;
6- Bujar Kojku, simpatizant i PD;
7- Dashamir Boja, simpatizant i PD.
Këta shtetas, akuzohen për veprat penale “Pjesëmarrje në grumbullime të paligjshme”, “Pengim i qarkullimit të mjeteve” dhe “Pengim i subjekteve zgjedhore”.