Sekretari Amerikan i Shtetit, Antony Blinken, në 19 maj e shpalli të papërshtatshëm për të hyrë në SHBA, ish-presidentin dhe ish-kryeministrin Sali Berisha.
Blinken me anë të një postimi në Twitter u shpreh se, aktet korruptive të ish-presidentit të Shqipërisë, Sali Berisha minuan demokracinë në Shqipëri.
Pas shpalljes ‘non grata’, Berisha lajmëroi para mediave një betejë ligjore me Blinken dhe për këtë ka zgjedhur avokatin e famshmëm francez, Jean-yves le Borgne.
Por ish-kryeministri duket se po tregohet tejet i kujdesshëm me lëvizjet dhe komunikimet e tij pas shpalljes “non-grata”. Si i apasionuar pas teknologjisë, fakt që nuk e ka mohuar as në deklarata për mediat, por as edhe në foltoren e Kuvendit në të cilën nuk dilte thuajse asnjëherë pa i-Padin e tij, Berisha i është bashkuar aplikacionit komunikativ “Telegram”, shkruan Tirananews.al
Telegram është një aplikacion i cili njihet për nivelin maksimal të privatësisë dhe distancohet nga aplikacionet e tjera të komunikimit sepse ka krijuar ambient të ngjashëm me një rrjet social. Ndërsa nuk grumbullon të dhëna sa WhatsApp, nuk ofron thirrje video në grup të enkriptuara si WhatsApp. por as nuk ka privatësinë dhe transparencën e Signal.
Mesa duket Berisha i është bashkuar “Telegram” duke treguar kujdes maksimal në çdo bisedë të shkëmbyer apo komunikim telefonik.
/Tirananews.al