Problematika e plehrave në Durrës vijon të jetë shqetësuese prej disa ditësh. Kryetarja e Bashkisë së Durrësit, Emirjana Sako ka deklaruar se plehrat do të dërgohen në Sharrë, duke i dhënë sipas saj një zgjidhje situatës.
“Problemi i depozitimit të plehrave është në instancat qeveritare dhe pritet që ata të bëjnë vendimmarrjet e tyre. Bëhet fjalë për skenarin nr. 2 që parashikon depozitimin e tyre në inceneratorin e Sharrës”, ka thënë Sako.
Kujtojmë se për shkak të mungesës së një marrëveshje mes Bashkisë së Durrësit, Ministrisë së Financave dhe Landfilld-it të Sharrës, qyteti bregdetar është mbytur nga plehrat.
Landfilldi i Sharrës lejoi për rreth dy javë depozitimin e mbeturinave të Durrësit dhe Shijakut. Por të premten mbylli sërish dyert, pasi Bashkia dhe Ministria e Financës nuk kanë hartuar ende një marrëveshje financiare për përpunimin e mbeturinave./