Nuk e kemi ditur, por rezultoka e vërtetë. Ciftet që bëjnë humor mes tyre kanë marrëdhënie më të mira. Pranojeni, shumica prej jush kërkoni bashkëshortin e përsosur. Mirëpo, askush nuk e di çfarë i bën ata ideal. Shkenca na e ka bërë këtë detyrë pak më të lehtë. Studiuesit kanë zbuluar se cilat janë ato tipare që i bëjnë marrëdhëniet të përballojnë testin e kohës dhe kjo është diçka që duhet t’i kushtoni vëmendje. Studiuesit pohojnë se ato çifte që tallen me njëri-tjetrin kanë marrëdhënie më të forta. Gjatë 39 studimeve që zgjatën më shumë se 30 vjet u përfshinë 15 mijë njerëz. Mirëpo për këtë studim duhet të mbani mend dy gjëra në të kundërt marrëdhënia juaj mund të humbasë nga keqkuptimet:
Një ndjenjë humori mund të jetë e dobishme në situata të ndryshme, por ajo që është më e rëndësishme është të gjesh një stil të humorit që do të të bëjë të qeshësh. Hall, një nga studiuesit, vuri në dukje se një ndjenjë e humorit është një koncept shumë i gjerë. Por në qoftë se ju të dy keni një kuptim të përbashkët të asaj që është qesharake, kjo e bën marrëdhënien tuaj më të fortë përmes të qeshurit.
Humori duhet t’i japë jetë një marrëdhënie, të frymëzojë të qeshurën dhe të lehtësojë problemet. Mirëpo, ndonjëherë njerëzit mund të shkojnë shumë larg dhe përdorin sarkazmën, përsëritjen ose talljen. “Duke pasur një ndjenjë agresive të humorit është një shenjë e keqe për marrëdhënien”,-tha Hall.