Ka përfunduar pjesa e parë e lojës ndërjet Danimarkës dhe Çekisë e vlefshme për çerekfinalen e Kampionatit Europian. Danezët e kanë dominuar lojën, duke arritur të gjejnë dy herë edhe rrjetën çeke.
Vetëm 5 minuta i kanë mjaftuar Danimarkës që të kalojë në avantazh 1-0 përballë Çekisë.
Start spektakolar i danezëve që gjejnë rrugën e rrjetës me mesfushorin Delaney. Pas një harkimi nga këndi, i pashqetësuar brenda zonës, ai ka goditur saktë me kokë, duke tundur rrjetën.
Ky është goli më i shpejtë gjatë çerekfinaleve të “Euro 2020”.
Danimarka ka dyfishuar shifrat në 2-0 në përballjen ndaj Çekisë e vlefshme për çerekfinalen e Kampionatit Europian.
Në minutën e 42’ ishte sulmuesi Kasper Dolberg i cili finalizoi aksionin e bukur të skuadrës daneze.
Me këtë rezultat ata hedhur njërën këmbë në gjysëmfinalet.