Policia e Pogradecit ka vënë në pranga një 46-vjeçar pasi drejtonte makinën pa leje drejtimi. Por pas kontrollit të mjetit u zbulua se ai kishte dhe një sasi të vogël kanabisi dhe një grirëse hashashi.
NJOFTIMI
Drejtonte mjetin pa leje drejtimi dhe posedonte një sasi me lëndë narkotike kanabis, vihet në pranga 46-vjeçari.
Specialistët për Hetimin e Krimeve në Komisariatin e Policisë Pogradec bënë arrestimin në flagrancë të shtetasit Gj. Th., 46 vjeç, banues në Korçë, pasi në qytetin e Pogradecit, gjatë kontrollit të ushtruar në mjetin tip “Mazda”, të cilin ky shtetas e drejtonte pa leje drejtimi, iu gjet e sekuestrua në cilësinë e provës materiale, një sasi e vogël me lëndë të dyshuar narkotike kanabis dhe një grirëse hashashi.
Materialet i kaluan Prokurorisë pranë Gjykatës së Shkallës së Parë Pogradec, për veprime të mëtejshme.