Varianti indian i koronavirusit, Delta po përhapet në shumë vende të botës, teksa Organizata Botërore e Shëndetësisë ka paralajmëruar, se një valë e re mund të shpërthejë në vjeshtë.
Por, simptomat e variantit Delta, shpesh ngatërrohen me ato të gripit e verës. I ftuar në një emision televiziv, mjeku infeksionist Gent Stroni, tregoi simptomat që mund të sinjalizojnë se jemi të infektuar nga varianti Delta.
Aktualisht, në Shqipëri nuk është regjistruar zyrtarisht asnjë rast me variantin Delta.
“Kur është folur për Alfën dhe Betën ne e nisnim me humbje shije, nuhatje e me radhë. Aktualisht ne nuk i kemi këto tek Delta, por ne kemi një dhimbje koke, kemi raninozë ose hundë pra rrufë. Kemi dhimbje fyti dhe më mbrapa mbivendoset dhe kolla. Këto në fakt janë shenja që janë pothuajse në të gjitha virozat, qofshin këto edhe virozat e stinës, megjithatë këtu duhet bërë dhe diferencimi. Nëse ne shikojmë që përhapja e kësaj viroze është e shpejtë në shumë persona në të njëjtën kohë, atëherë detyrimisht duhet të ndalojmë për të parë dhe për të bërë dedektimin, analizimin dhe më mbrapa edhe gjetjen e variantit”.