Kryeministri Edi Rama ka reaguar në rrjetet sociale pas arrestimit të kryebashkiakut të Lushnjës Fatos Tushe. Ai thotë se asnjë zyrtar i akuzuar nga drejtësia nuk do të ketë asnjë mbrojtje nga Partia Socialiste dhe se duhet të përgjigjet vetë para drejtësisë.
“Kryetari i Bashkisë së Lushnjës dhe cilido tjetër i akuzuar nga drejtësia në këtë rast apo në çdo rast, nuk do të ketë asnjë mbrojtje nga Partia Socialiste e duhet të përgjigjen vetë para drejtësisë, me avokatët e tyre e me gojën e tyre! PS u shërben zgjedhësve jo të zgjedhurve. Çdo zgjedhës duhet ta dijë se besnikëria jonë ndaj tij nuk varet nga asnjë individ, po është flamur beteje i PS për ta bërë Shqipërinë të ardhmen tonë dhe çdo i zgjedhur nuk duhet ta harrojë se flamuri i PS s’mund të bëhet mbulesa e askujt, për asnjë interes apo faj vetjak”, shkruan Rama.