Kryetari i Partisë Demokratike Lulzim Basha ka reaguar për arrestimin e kryebashkiakut të Lushnjës Fatos Tushe duke thënë se vjen pas denoncimeve shumë vjeçare të PD-së për bashkëpunimn e tij me krimin e organizuar.
“Arrestimi i Fatos Tushës pas denoncimeve shumëvjeçare nga PD të bashkëpunimit të tij korruptiv me krimin e organizuar, mund të jetë një fillim i mbarë. Por kjo do të varet nga aftësia, kuarajo dhe pavarësia e drejtësisë për të goditur lidhjet e pushtetit me krimin, lidhjet e Hakmarrjes për Drejtësi me Tushën, Braçen dhe vetë Ramën, dhe përfitimet e tyre të ndërsjellta në vite të gjata bashkëpunimi”, thotë ai.