Policia e Shtetit, me anë të një njoftimi ka treguar bilancin e gjobave, arrestimeve dhe lejeve të drejtimit të pezulluara në 24 orët e fundit, ndaj shoferëve që nuk respektojnë rregullat e qarkullimit rrugor.
Në njoftim thuhet se gjatë kontrolleve, janë ndaluar dhe gjobitur mjete që qarkullonin me shpejtësi tej normave të lejuara, duke variuar nga 82 km/ h në qendrat e banuara e deri në 175 Km/h në rrugët interurbane.
Në total, policia thotë se janë arrestuar 5 persona, 3 për drejtim mjeti në gjendje të dehur dhe 2 për drejtim mjeti pa leje drejtimi. Janë pezulluar 48 leje drejtimi, si dhe janë vendosur mijëra gjoba.