Fitore spektakolare e Partizanit, në ndeshjen e parë ndaj Sfintul, të vlefshme për raundin e parë të Ligës së Konferencës. Të kuqtë e Ilir Dajës, arritën të mposhtnin me rezultin 5-2 moldavët, në përballjen e zhvilluar në “Elbasan Arena”.
Stenio Zhunior ishte padyshim heroi i të kuqve. Sulmuesi brazilian shënoi dopietë dhe dhuroi 3 asiste në këtë fitore historike të “demave”. Dopietë gjithashtu realizoi edhe braziliani tjetër Kardozo, ndërkohë që golin tjetër e shënoi Cara.
Partizanit nuk i mbetet gjë tjetër veç se të menaxhojë këtë triumf, në sfidën e radhës që do të zhvillohet në Moldavi, pas një jave.
FT: PARTIZANI-SFINTUL 5-2
Lukas Kardozo 17′, 85′, Stenio Zhunior 26′, 61′, Cara 77′ / Volkov 44′ (p),Solodovniçov 80′
KOMENTI LIVE:
Sfida mbyllet me një rast të artë të Stenio Zhunior, për të realizuar golin e gjashtë, por tentativa e tij u ndal nga portieri.
90′ Akordohe 4 minuta shtesë!
89′ Dy zëvendësime te Partizani, largohen Gligorov dhe Cara në vendin e tyre Dajçi dhe Rrapaj.
85′ GOOOOL PARTIZANI 5-2/ Spektakël me 7 gola në “Elbasan Arena”, edhe Kardozo realizon dopietë. Ishte sërish Zhunior ai që asistoi. Fantastik aksioni i të kuqve.
80′ GOL SFINTUL 4-2/ Gabojn edhe reparti difensiv i Partizanit, teksa moldavët ngushtojnë shifrat me anë të futbollistit Solodovniçov.
77′ GOOOOOL PARTIZANI 4-1/ Spektakël i kuq në “Elbasan Arena”. Realizon edhe Tedi Cara, pas asistit të Zhunior, i cili përfiton nga një tjetër gabim i mbrojtësve të Sfintul, duke rrëmbyer topin dhe duke shërbyer mjaft mirë për Carën, që nuk fal me portën e boshatisur.
66′ Pranë golit të katërt Partizani me Tedi Carën, tentativa e tij nga goditja e dënimit, devijohet nga portieri. Mjafton një prekje e gardianit të Sfuntul, për ta larguar topin në këndore.
61′ GOOOOOL PARTIZANI 3-1/ Dopietë e brazilianit Stenio Zhunior, të kuqtë gjejnë golitn e tretë. Pas harkimit të Herald Markut, sulmuesi i Partizanit ka përfituar nga një gabim i mbrojtësit të Sfintul, duke tundur rrjetën.
53′ Pjesë e dytë mjaft e qetë, asnjë rast në portat respektive në këtë fragment të dytë loje.
46′ Zëvendësim i detyruar te Partizani, largohet Musta i dëmtuar, vendin e tij e merr Kote.
Mbyllet pjesa e parë!
45′ Akordohen 2 minuta shtesë.
44′ GOL SFINTUL 2-1/ Rihapet sfida! Moldavët realizojnë me anë të sulmuesit Volkov, që tregohet i saktë nga pika e bardhë e penalltisë.
43′ Penallti për Sfintul, pas topit të prekur me dorë nga Emiljano Musta. Mbrojtësi i skuadrës shqiptare ndëshkohet me karton të verdhë.
35′ Skuadra e Sfintul pretendon për prekje të topit me dorë brenda zonës, por për gjyqtarin gjithçka e rregullt.
31′ Pranë golit të tretë Partizani, me Bardhin që provon në hyrje të zonës, por gjuajtja e tij devijohet në këndore.
26′ GOOOOOL PARTIZANI 2-0/ “Demat” dyfishojnë rezultatin. Këtë herë është Stenio Zhunior, i cili pas asistit të Tedi Carë, lëviz bukur brenda zonës, duke devijuar topin drejt rrjetës.
24′ Partizani provon me një skemë nga goditja e dënimit, por topi i harkuar nga Marku nuk kontrollohet dot nga Musta.
17′ GOOOOOL PARTIZANI 1-0/ Zhbllokohet sfida në “Elbasan Arena”. Realizon braziliani Kardozo, pas asistit të Stenio Zhunior, i cili përfiton nga gabimi në mbrojtje i moldavëve, duke pasuar saktë për Lukas Kardozon, që nuk fal brenda zonës.
16′ Partizani qarkullon topin duke treguar superioritet ndaj skuadrës mike, por mungojnë rastet e rrezikshme.
10′ Ndëshkohet edhe numri 11 i moldavëve Gheçev, për ndërhyrje të gabuar ndaj Zhunior.
9′ Goditjen e parë nga këndi e fiton Sfintul, pas një largimi jo të mirë të Belicës.
5′ Minuta të mira për Partizanin në këto minuta. Të kuqtë shfaqen dominues në gjysmëfushën e kundërshtarëve.
1′ Vetëm 30 sekonda lojë, Cara ndëshkohet me karton të verdhë për ndërhyrje të gabuar në sulm.
1′ Starton sfida në “Elbasan Arena”.
FORMACIONET ZYRTARE:
PARTIZANI: Hoxha, Gligorov, Shehi, Belica, Musta, Marku, Murataj, Bardhi, Cara, Zhunior, Lukas Kardozo, Trajner: Ilir Daja