Mbrëmjen e djeshme u raportua se një 69-vjeçar u qëllua me plumb pas koke nga grabitësit, por ndërkohë policia zbuloi historinë e vërtetë.
V.K. jetonte me nipin e tij dhe është pikërisht ai që ka deklaruar në polici se ishin grabitur dhe kishin marrë 1 milionë lekë.
Ishte vetë ai që në polici tregoi të vërtetën e ngjarjes dhe vendin se ku e kishte fshehur armën. Ishte pikërisht ai që kishte qëlluar gjyshin me armë për të marrë sasinë e parave.
Mbrëmjen e të mërkurës u raportua se në lagjen ‘Rilindja’, i moshuari 69-vjeçar është gjetur nga nipi i tij në banesë i gjakosur. Në një prononcim për mediat, nipi i të moshuarit ka thënë se ka gjetur derën e hapur dhe gjyshin e gjakosur. Ai thotë se në shtëpi mungonin rreth 1 milion lekë.
“Gjeta derën hapur, ndërsa gjyshi ishte i gjakosur në banesë. Mora ambulancën dhe njoftova policinë. Në shtëpi mungonin 1 milion lekë të vjetra”- tha ai.