Mbi 100 forca policie private priten të jenë të angazhuara në stadiumin “Selman Stërmasi” gjatë ndeshjes Tirana-Partizani, që do të luhet nesër në orën 18:00.
Duke qenë se Policia e Shtetit nuk merr përsipër sigurinë brenda stadiumit, por duke qëndruar në gatishmëri vetëm jashtë saj, kompania që ka kontraktuar klubi i Tiranës pritet të shtojë në maksimum stjuartët që do të qëndrojnë mes tifozëve dhe në pjesën e rrethimit të brendshëm të impiantit.
Ditët e fundit përfaqësues të dy klubeve kanë bërë takime enkas me zyrtarët e FSHF-së, në mënyrë që të koordinojnë punët dhe gjithçka të shkojë sa më mirë. Organizator i ndeshjes këtë herë është klubi i Tiranës.