Pas dy muajsh hetimesh nga policia italiane, shqiptari ka rënë në pranga për trafik droge. Ajo që e ka bërë shqiptarin të binte në pranga ka qenë xhelozia e tij ndaj të dashurës, e cila punonte në një lokal nate.
Ky fakt nuk i pëlqent shqiptarit, ndaj kishte vendosur që të hapte një bar vetëm e vetëm që e dashura e tij të linte punën për të punuar në biznesin e tyre. “Mos puno më gjatë natës, do të kujdesem unë për ty”, janë mesazhet që shqiptari i dërgonte vazhdimisht në celular të dashurës së tij.
Karabinierët e vendit fqinj kishin vënë re menjëherë një ndryshim në tregun e kokainës në qytet. Disa klientë të rregullt, për disa muaj nuk u vunë re në sheshet e zakonshme për të blerë lëndët narkotike. Policia u vu në lëvizje për të zbuluar vendndodhjen e re.
Të hënën e kaluar, policia vuri nën vëzhgim parkingun e një ndërtese, duke pritur ardhjen e blerësve. Aty zbuluan edhe shqiptarin, duke hyrë dhe duke e arrestuar.
Shqiptarit, identiteti i të cilit nuk bëhet i ditur, iu gjetën gram kokainë, të ndarë në pesë pako të vogla dhe 40 gramë marijuanë. Ndërsa në banesë iu gjetën dhe iu sekuestruan edhe 6000 euro.
Sot u zhvillua edhe seanca për vlerësimin e masës së sigurisë. Në seancë ka qenë e pranishme e dashura e shqiptarit dhe avokati mbrojtës i tij. E dashura e shqiptarit fitonte nga puna e saj në lokalet e natës 5 mijë euro vetëm gjatë një nate.