Ronela Hajati e ka mbajtur jetën e saj private gjithmonë larg vëmendjes mediatike. Këngëtarja nuk ka preferuar të japë kurrë detaje, por së fundmi ajo ka bërë disa postime thumbuese që duket se i dedikohen një mashkulli.
Para pak ditësh, ajo postoi disa foto të saj nga plazhi, shoqëruar me një shprehje që i tërhoqi vëmendjen e të gjithëve.
“Po s’më deshe me ca tule më shumë, mos prit të të dua kur të bëhem si modele e parezistueshme”, shkroi Ronela përkrah fotove të saj.
Ndërkohë sot po ashtu ka publikuar një tjetër shprehje, që lë vend për dyshim se ajo mund t’i ketë dhënë fund ndonjë lidhje këto kohë. Postimi i saj është shumë thumbues dhe kurioz jemi të dimë se kujt i dedikohen këto fjalë.
“Nuk është puna ime të të bëjë të ndihesh si burrë. Nuk mund të të bëj unë të ndihesh si dikush që nuk je”, shkruan Ronela në postimin e saj.
