Një tërmet me magnitudë 4.8 të shkallës Rihter goditi dje Kretën, duke lënë pas pasoja të shumta.
Epiqendra ishte në Heraklion të Kretës dhe banorët të tronditur nga goditja e fortë dolën me vrap në rrugë.
Dritare të thyera, çarje muri në shtëpi, si dhe dëmtime të tjera ishin disa nga pasojat e këtij tërmeti që u shoqërua me 4 pasgoditje që shkonin nga 3 në 3.5 të shkallës Rihter.
Një zyrtar grek në Kretë theksoi se “tërmeti nuk është veçanërisht shqetësues” duke shtuar se “këto lloje lëkundjesh janë një normë për rajonin” tha ai. Në muajt e fundit Greqia është goditur nga disa tërmete.