Një ngjarje aspak e zakontë ka ndodhur në Spanjë. Mediat iberike shkruajnë se tre mjekë kanë shpallur të vdekur të burgosurin Gonzalo Monto Himenez. Tri ditë pas kësaj dëshmie, burri pritej t’i nënshtrohej autopsisë, por këtu ndodhi dhe “çudia”. Burri kishte shenja jete dhe merrte frymë, ndonëse me vështirësi.
Ai ishte mbështjellë në një thes ku u kontrollua sërish nga autoritetet. Këta të fundit dëgjuan tinguj të çuditshëm që vinte nga poshtë thesit dhe aty mësuan se Himenez ishte ende gjallë.
Mjekët kanë thënë fillimisht se shkak për “vdekjen” e tij kishte qenë katalepsia, gjendje e cila bën që organizmi të duket sikur nuk funksionon. Himenez sipas mediave në momentin që është zgjuar ka kërkuar që të takohet me gruan.
Pasi i është plotësuar kjo kërkesë, ai më pas është dërguar sërish në burg, kur do të vuajë dënimin për një vjedhje që ishte përfshirë kohë më parë.