Nga aksioni i sotëm te “Vorri i Bomit” janë vënë në pranga pesë persona, bashkë me të riun e identifikuar si Altin Gega, i cili u shpëtoi për pak orë duarve të RENEA-s.
Bashkë me Gegën janë vënë në pranga dhe katër persona të tjerë, dy prej të cilëve janë kapur në ambjentet e një lokali ,ku qëndronin të pozicionuar për të monitoruar operacionin e shkëmbimit të kokainës me sasinë e eurove. Ka qenë një efektiv policie ai që është infiltruar dhe që supozohej se do të blinte drogën e fshehur në një kuti pice. Në momentin e shkëmbimit, ka ndërhyrë RENEA.
Këtu Altin Gega bashkë me dy shokët e tij janë larguar me 1.5 kilogramë kokainë dhe një sasi eurosh me vete, duke lënë pas efektivët që u përplasën me gazetarët Ergys Gjençaj dhe Klodiana Lala që ndodheshin rastësisht në vendngjarje. Gega dhe shokët e tij u prangosën pak orë më vonë. Kokaina dhe paratë janë sekuestruar gjithashtu.