Disa turistë të huaj janë bllkuar në kanionet e Gjipesë. Njëri nga turistët ka dëmtuar këmbën, por fatmirësisht i është dhënë ndihma e parë.
Patrulla e Policisë së kufirit në Dhërmi është duke ju dhënë ndihmë, ndërkohë që pritet ndihma mjekësore. Operacioni i shpëtimit është duke vazhduar.
“Në datë 30.07.2021 ora 17.00 pas një telefonate të mbërritur në sallën e Policisë së Rendit Himarë për disa shtetas që kishin ngecur në kanionet e Gjipesë, shërbimet e Policisë kufitare në Dhërmi, u organizuan për lokalizimin dhe më pas shpëtimin e tyre. Falë ndërhyrjes së efektivëve është bërë e mundur nxjerrja e dy shtetasve të cilët janë D.K i datëlindjes 28.06.2002 banues në Suedi, dhe E.Ji datelindjes 22.11.2000 banues ne Itali, ndërsa për personin e tretë, E.Dh i datëlindjes 14.09.2006 banues në Tiranë është kërkuar ndihma e FNSH për nxjerrjen e tij për arsyen se ky shtetas ka marr dëmtime në këmbë dhe e ka të vështirë të lëvizë normalisht”, -njoftoi policia.