Kastriot Hasalla ka pranuar autorësinë e vrasjes së kushëririt të tij Romeo Hasalla, në konfliktin që ndodhi 2 ditë më parë në Lushnje, ndërkohë që të plagosur mbetën edhe Laert, Emiljano dhe Shaip Hasalla.
Ngjarja ndodhi pas një konflikti mes dy familjeve për një tokë bujqësore në Lushnje, ndërkohë që Kastriot Hasalla është vetëdorëzuar ditën e sotme, pas dy ditësh në arrati.
Në një intervistë për Klan News, ai tha se nuk është dorëzuar fillimisht në polici pasi nuk ka patur besim te drejtësia, ndërkohë që kërkoi të lirohen nga burgu djali dhe vëllai i tij, pasi janë të pafajshëm.
Gazetarja: Kush jeni ju?
Kastriot Hasalla: Unë quhem Kastriot Hasalla.
Gazetarja: Ju jeni autori që kryet vrasjen?
Kastriot Hasalla: Po! Unë them vetëm drejtësinë dhe si ka ndodhur do t’i tregoj më tutje.
Gazetarja: A keni qëlluar ju me armë?
Kastriot Hasalla: Po unë kam qëlluar.
Gazetarja: Pse u dorëzuat te avokati dhe jo te policia?
Kastriot Hasalla: Në polici nuk kisha besim, se nuk ka drejtësi. Për çfarë kam bërë mbaj përgjegjësi deri në fund. Çuni duhet të lirohet me gjithë vëllain se nuk ka përgjegjësi fare. Unë kam qëlluar, mbaj përgjegjësi deri në fund. Mjetet e mia duhet të lirohen, se nuk e kanë bërë mjetet krimin.