Dy ndër gocat artiste shqiptare më në zë të momentit, janë padyshim Elvana Gjata dhe Loredana, të cilat kohët e fundit janë parë goxha të afërta.
Gjatë koncerteve verore, dy artistet patën kohën të takohen dhe nuk munguan as fotot dhe as dedikimet plot dashuri për njëra-tjetrën si dy mike të vërteta. Dhe ashtu siç ju ka hije vetëm shoqeve, Loredana ka për Elvanën një nofkë mjaft të veçantë. Në fotografitë e fundit të këngëtares, ajo e ka quajtur atë “gruja jem”.
Këto nuk janë të vetmet raste që artistet kanë mbështetur njëra-tjetrën.
Kujtojmë se para disa muajsh, Elvana Gjata u rikthye në muzikë me një super projekt muzikor që na zbukuroi ditët të gjithëve. Jo një këngë, por një album i tërë me këngë të reja nga Elvana, që po i dëgjojmë e këndojmë pa pushim edhe pasi kanë kaluar kohë nga publikimi i tij. “Çelu” titullohet albumi muzikor i këngëtares.
Të shumtë kanë qenë ato personazhe publikë që e kanë duartrokitur fort Elvanën për suksesin e radhës, ndërsa mes tyre shprehu mbështetje edhe Loredana.
Pa shumë fjalë, ajo ka ndarë në InstaStory një foto të Elvanës nga projekti i fundit, duke lënë të kuptohet se i ka pëlqyer puna e saj.