Dy vatra zjarri janë shfaqur rreth mesnatës në fshatin Burgajet në njësinë administrative Lis, në Bashkinë e Matit.
Zjarrfikës, punonjës të bashkisë dhe specialistë të emergjencave civile kanë mbërritur në vendin e ngjarjes dhe kanë nisur nga puna për shuarjen e tyre.
Mësohet se këto zjarre janë të qëllimshme përderisa shfaqen në mesnatë.
Një ditë më parë autoritetet vendore të Bashkisë Mat u bënë thirrje institucioneve shtetërore të zbulojnë dhe arrestojnë keqbërësit.