Dy efektivë janë plagosur pasi një mjet ka goditur motorin e tyre gjatë kohës që ishin në shërbim.
Sipas informacionit paraprak, ngjarja ka ndodhur në lagjen nr. 4 të qytetit. Dy efektivët janë dërguar në spital dhe ndodhen nën kujdesin e mjekëve. Drejtuesi i automjetit sakaq është shoqëruar në komisariat.
Durrës/Informacion paraprak
Më datë 13.08.2021, rreth orës 12:10, në lagjen nr.4, Durrës, një mjet me drejtues shtetasin Sh. K., është përplasur me patrullën e Forcës së Posaçme “Shqiponja” e cila ishte në shërbim. Si pasojë e përplasjes janë lënduar punonjësit e Policisë shtetasit K. H., dhe A. K., të cilët janë dërguar në spital nën kujdesin e mjekëve.
Drejtuesi i automjetit po shoqërohet në ambientet e Policisë, për veprime të mëtejshme.
Grupi hetimor po punon për zbardhjen dhe përcaktimin e shkakut të aksidentit.