Ndërsa Afganistani ka rënë në duart e talebanëve, një grua 24-vjeçare në Kabul tregon se ka parë përreth saj “fytyrat e frikësuara të grave dhe fytyrat e shëmtuara të burrave që urrejnë gratë”.
Një studente e cila ka kërkuar anonimat shkroi në “The Guardian”:
“Si grua, ndjehem sikur jam viktimë e kësaj lufte politike që burrat e filluan. Ndihem sikur nuk mund të qesh më me zë të lartë, nuk mund të dëgjoj më këngët e mia të preferuara, nuk mund të takoj më miqtë e mi në kafenenë tonë të preferuar, nuk mund të vesh më fustanin tim të preferuar të verdhë ose buzëkuqin rozë. Dhe nuk mund të shkoj më në punën time ose të përfundoj diplomën universitare që kam punuar për vite për të arritur.
Gratë afgane kanë frikë se liritë e fituara që nga viti 2001 tani do të zhbëhen “Nuk e prisja që do të na privoheshin përsëri të gjitha të drejtat tona themelore dhe do të ktheheshim pas 20 vite. Pas 20 vitesh luftime për të drejtat dhe lirinë tonë, ne duhet të kërkojmë burka dhe të fshehim identitetin tonë,” shkroi ajo.
Kur studentja dëgjoi se talebanët kishin arritur në Kabul, ajo shprehet: “ndjeva se do të bëhesha skllave. Ata mund të luajnë me jetën time si të duan”.
/Tirananews.al